Meintir mannræningjar Anne-Elisabeth Hagen hafa verið í sambandi við fjölskyldu hennar á ný. Greint var frá þessu á blaðamannafundi síðdegis í dag. Hins vegar var ekki greint frá því hvað hefði komið fram í samskiptunum að öðru leyti en því að hvorki hafi fengist staðfesting á því að meintir mannræningjar hefðu Hagen í haldi né að hún væri á lífi.

Fram kemur á fréttavef norska ríkisútvarpsins NRK að áður hafi meintir mannræningjar verið í sambandi við fjölskyldu Hagen um miðjan janúar. Hagen, sem er 68 ára gömul, hvarf af heimili sínu í sveitarfélaginu Lørenskog í Noregi að morgni 31. október á síðasta ári. Lögreglan telur jákvætt að meintir mannræningjar hafi aftur verið í sambandi.

Tommy Brøske yfirlögregluþjónn sagði hins vegar slæmt að hvorki lægi fyrir hvort meintir mannræningjar hefðu Hagen raunverulega í haldi né hvort hún væri á lífi. Sagðist hann aðspurður ekki geta tjáð sig um síðustu samskipti við þá sem taldir eru að hafi Hagen í haldi að öðru leyti en því að samskiptin hafi átt sér stað. 

Tengdar fréttir

Hvarf Anne-Elisabeth Hagen

Netflix með þætti um Hagen-hvarfið

• „Vil vita hver urðu örlög hennar“
• Tugir reyna að leysa ráðgátuna 3 árum síðar
• Lögmaður Tom Hagen skellti á blaðamann mbl.is
• „Ég gerði þetta ekki“

» Fleiri tengdar fréttir

• Blogga um frétt