Hrósar Kínverjum fyrir dauðarefsingar

Donald Trump Bandaríkjaforseti.
Donald Trump Bandaríkjaforseti. AFP

Donald Trump Bandaríkjaforseti hrósaði Kínverjum í dag fyrir að beita dauðarefsingum gegn eiturlyfjasölum og hélt því fram að Bandaríkin myndu standa sig betur í baráttunni við ólögleg viðskipti eiturlyfja ef brotamenn yrðu dæmdir til dauða.

„Í Kína fá eiturlyfjasalar það sem kallað er dauðarefsing. Hjá okkur eru menn sektaðir,“ sagði Trump við fréttamenn í Hvíta húsinu í dag.

„Þannig að ef við viljum vera klár þá getum við orðið það. Við getum bundið endi á eiturlyfjavandann. Það er hægt að gera það með mun hraðvirkari hætti en áður hefur verið haldið,“ bætti Trump við.

Þetta er ekki í fyrsta sinn sem Trump hvetur til þess að eiturlyfjasalar fái dauðarefsingu en hann talaði á slíkum nótum í mars í fyrra. 

mbl.is

Bloggað um fréttina

Fleira áhugavert
Fleira áhugavert