Karlmaður sem fæddist í Tyrklandi hefur játað að hafa gert skotárás í sporvagni í hollensku borginni Utrecht sem varð þremur að bana á mánudaginn.
Saksóknarar greindu frá þessu í dag.
Gökmen Tanis, 37 ára, „játaði í morgun ákærurnar gegn honum. Hann sagði einnig að hann hefði verið einn að verki,“ sagði í yfirlýsingu.
Nágrannar Tanis hafa lýst honum sem auðnuleysingja og smáglæpamanni, en ekki hryðjuverkamanni.
Hollenska dómsmálaráðuneytið staðfesti fyrr í vikunni að Tanis hefði nýlega verið látinn laus úr varðhaldi sem hann hafði verið úrskurðaður í í tengslum við nauðgunarmál. Var hann látinn laus eftir að hafa lofað að sýna yfirvöldum samstarfsvilja.