Trump fagnar endalokum kalífadæmisins
Setja bókamerki
Donald Trump, forseti Bandaríkjanna, fagnaði því í dag að kalífadæmi Ríkis íslams heyri nú sögunni til en forsetinn hét því að Bandaríkin muni vera á verði gagnvart heilögum stríðsmönnum, eða jíhadistum.
Sýrlensku lýðræðisöflin, sem njóta stuðnings bandarískra yfirvalda, lýstu yfir sigri gegn samtökunum í kjölfar bardaga í þorpinu Baghouz. Þar með lauk aðgerðum við að frelsa síðustu svæðin sem voru undir stjórn liðsmanna Ríkis íslams, en lokaaðgerðin stóð yfir í um hálft ár. Hryðjuverkasamtökin réðu um tíma mjög stórum landssvæðum bæði í Írak og í Sýrlandi, og voru um sjö milljónir manna undir þeirra yfirráðum.
„Við munu halda vöku okkar [...] þar til þau verða gjörsigruð hvar sem þau starfa,“ sagði Trump í yfirlýsingu um samtökin.
„Bandaríkin munu verja hagsmuni landsins hvenær og hvar sem er. Við munum halda áfram að starfa með bandamönnum okkar og brjóta á bak aftur alla íslamska hryðjuverkamenn.“
Trump beindi orðum sínum einnig til ungs fólks sem eigi í hættu að ganga til liðs við samtökin.
„Ég vil segja við allt unga fólkið sem er á netinu og trúir áróðri ISIS, þið munið deyja ef þið gangið til liðs við þau. Einbeitið ykkur frekar að því að lifa góðu lífi,“ sagði Trump og vísaði til Ríkis íslams.
Patrick Shanahan, starfandi varnarmálaráðherra Bandríkjanna, fagnaði einnig og sagði að þetta væru mikilvæg tímamót. Hann bætti þó við að starfinu væri hins vegar ekki lokið.
„Við munum halda áfram að starfa með alþjóðsamfélaginu og koma í veg fyrir að ISIS-liðar geti fundið öruggt skjól einhversstaðar í heiminum.“
Myndskeið: Segjast hafa skotið niður sprengjuflugvél
Mun fara sparlega með málskotsréttinn
Hæstiréttur staðfestir vanhæfi alls Landsréttar
Unnu að fullum heillindum að kaupum á TM
Að minnsta kosti vika í nýtt gos
Mikilvægt að vera á tánum
Á annað hundrað símtala vegna nikótínvara
Aðkoman í gripahúsið mjög slæm