Aðeins þrjár skjaldbökur eftir

Mynd sem tekin var af skjaldbökunni í dýragarðinum í Kína …
Mynd sem tekin var af skjaldbökunni í dýragarðinum í Kína árið 2015. Hún er nú dauð. AFP

Risaskjaldbaka af mjög fágætri tegund drapst í Kína. Talið er að aðeins þrjár skjaldbökur af tegundinni séu nú á lífi í heiminum.

Tegundin er kennd við Yangtze. Skjaldbakan sem nú er dauð var níutíu ára og búsett í Suzhou-dýragarðinum í suðurhluta Kína. Hún var kvenkyns og var kölluð Rafetus.

Sérfræðingar höfðu reynt að sæða hana fimm sinnum skömmu áður en hún drapst. Það bar ekki árangur.

Tegundin er í alvarlegri útrýmingarhættu vegna veiða. Þá hafa búsvæði hennar verið eyðilögð.

Eitt karldýr af tegundinni er nú í kínverskum dýuragarði og tvær aðrar lifa villtar í Víetnam. Skjaldbakan er hlédræg, heldur til í leðju, og því hefur verið mjög erfitt að finna villt dýr.

Frétt BBC.

mbl.is
Fleira áhugavert
Fleira áhugavert