Blaðakona var skotinn til bana í óeirðum á Londonderry á Norður-Írlandi í gærkvöldi. Lögregla rannsakar morðið á Lyra McKee, 29 ára, og óeirðirnar sjálfar sem hryðjuverk.
Mark Hamilton, aðstoðaryfirlögregluþjónn, segir í samtali við BBC að líklega stæðu „hinir nýju IRA“ á bak við óeirðirnar. Yfir 50 bensínsprengjum var meðal annars kastað að lögreglubílum og voru nokkrir bílar í ljósum logum þegar hleypt var af skotum.
McKee var flutt á sjúkrahús í lögreglubíl þar sem hún lést af sárum sínum skömmu síðar. Önnu blaðakona, Leona O´Neill, stóð við hliðina á McKee þegar hún var skotin og segir hana hafa fallið í götuna við hlið lögreglujeppa. „Hún var bara 29 ára. Mig hryllir við atburðum kvöldsins,“ skrifar O´neill á Twitter.
I was standing beside this young woman when she fell beside a police Land Rover tonight in Creggan #Derry. I called an ambulance for her but police put her in the back of their vehicle and rushed her to hospital where she died. Just 29 years old. Sick to my stomach tonight pic.twitter.com/F0GHHd3HPz
— Leona O'Neill (@LeonaONeill1) April 18, 2019
Óeirðir eru ekki óalgengar á Norður-Írlandi í aðdraganda páskanna, þegar írskir þjóðernissinnar minnast páskauppreisnarinnar 1916. Óeirðirnar í gær brutust út í Creggan-hverfi eftir að fjölmennt lið lögreglu réðist inn á heimili í hverfinu til að framkvæma húsleit.
„Ofbeldisfullir lýðveldissinnar eru að skipuleggja árásir í borginni og leit stendur yfir í Creggan-hverfinu,“ segir Hamilton. Talsmenn beggja fylkinga, þ.e. lýðveldis- og sambandssinnar, hafa fordæmt morðið á McKee.