Hollywood-leikaranum Geoffrey Rush hafa verið dæmdar um 250 milljónir króna í miskabætur eftir að hann vann ærumeiðingarmál gegn dagblaði í áströlsku borginni Sydney.
Honum voru m.a. dæmdar bæturnar vegna tekjumissis.
Rush var sakaður um óviðeigandi kynferðislega hegun gagnvart kvenkyns mótleikkonu. Í forsíðugrein sem var birt í Daily Telegraph árið 2017 kom fram að leikhúsið Sydney Theatre Company hefði fengið kvörtun á sitt borð um að Rush hefði snert leikkonuna á óviðeigandi hátt en bæði fóru þau með hlutverk í Lé konungi.
Dómari í Sydney lýsti innihaldi greinarinnar sem „kæruleysislegri og ábyrgðarlausri æsifréttamennsku“.
Blaðið, sem er í eigu Rupert Murdoch, hafði áfrýjað upphaflegum úrskurði þar sem bæturnar voru lægri.
Að sögn dagblaðsins The Age er upphæðin sem leikarinn fær í miskabætur sú hæsta sem nokkur hefur fengið í Ástralíu.
Rush var kjörinn besti leikarinn á Óskarsverðlaununum árið 1997 fyrir hlutverk sitt í Shine. Hann hefur einnig unnið Golden Globe-, Emmy- og Tony-verðlaunin.
The Daily Telegraph published 'a recklessly irresponsible piece of sensationalist journalism of ... the very worst kind,' the judge ruled https://t.co/YE22HMrxUH
— RT (@RT_com) May 23, 2019
Hollywood star Geoffrey Rush has been awarded a record defamation payout by the Daily Telegraph newspaper. @KellyFedor is LIVE. #9News pic.twitter.com/5falvHeWAb
— Nine News Melbourne (@9NewsMelb) May 23, 2019