Morsi hné niður í réttarsal og lést

Fyrrverandi forseti Egyptalands, Mohammed Morsi, sem hrakinn var frá völdum af her landsins árið 2013, hné niður í réttarsal í dag samkvæmt þarlendum miðlum. Þaðan var hann fluttur á spítala þar sem hann var úrskurðaður látinn.

Samkvæmt fréttastofu AFP hafði forsetinn fyrrverandi nýlokið 20 mínútna lögnum vitnisburði í máli þar sem hann er ákærður fyrir njósnir. Morsi var 67 ára gamall.

Í kjölfar valdaráns hersins 2013 fóru egypsk yfirvöld í herferð gegn múslímska bræðralaginu, en Morsi var meðal annars ákærður fyrir að hafa lekið ríkisleyndarmálum Egyptalands og Katar til bræðralagsins, og hefur hann verið í gæsluvarðhaldi æ síðan.

Frétt af mbl.is

Morsi sakaður um að leka ríkisleyndarmálum

Frétt af mbl.is

Staðfestir dauðarefsingu yfir 75 manns

Fréttin hefur verið uppfærð.

EPA

• Blogga um frétt