Haldið á leynilegum stað
Setja bókamerki
Tengdar fréttir
Sýrland
Tveir menn, sem tilheyra hópi breskra vígamanna Ríkis íslams, voru handteknir í Sýrlandi og er haldið á leynilegum stað undir stjórn Bandaríkjanna, segir Donald Trump, forseti Bandaríkjanna.
Mennirnir, El Shafee Elsheikh og Alexanda Kotey, eru sakaðir um að tilheyra hópi innan raða vígasveita Ríkis íslams sem hefur rænt og myrt vestræna gísla í Sýrlandi. Þeir eru í haldi Bandaríkjahers og segir Trump að þeir séu illskan uppmáluð. Að sögn Trump var tekin ákvörðun um að fara með þá úr landi í öryggisskyni ef Kúrdar eða Tyrkir missi stjórn á ástandinu í Sýrlandi en þeir voru í fangelsi hersveita Kúrda í norðurhluta Sýrlands.
Mennirnir tilheyrðu hópi sem hefur gengið undir nafninu „Bresku Bítlarnir“.
Kotey er sagður hafa séð um að fá nýliða til liðs við Ríki íslams og þá er Elsheikh sagður hafa orð á sér fyrir vatnspyntingar, gerviaftökur og krossfestingar. Hann á einnig að hafa verið vörður hópsins.
Emwazi, sem fæddist í Kúveit, var grímuklæddi maðurinn sem birtist í mörgum af ofbeldisfyllstu upptökum Ríkis íslams. Þar sést hann hæðast að Vesturlöndum áður en hann afhöfðar fanga sína.
Meintur leiðtogi hópsins Mohammed Emwazi, sem fékk viðurnefnið Jihadi John, var drepinn í loftárás í Sýrlandi árið 2015. Fjórði liðsmaðurinn, Aine Davis, situr í fangelsi í Tyrklandi vegna hryðjuverkaákæru.
Emwazi er talinn hafa drepið bandaríska blaðamanninn James Foley árið 2014. Allir fjórir öfgavæddust í Bretlandi áður en þeir fóru til Sýrlands.
Tengdar fréttir
Sýrland
Myndskeið: Segjast hafa skotið niður sprengjuflugvél
Mun fara sparlega með málskotsréttinn
Aðkoman í gripahúsið mjög slæm
Hyggjast leyfa fólki að skoða gosið
Gerir ráð fyrir 150 samningum í næstu viku
Bjarkey stendur við skammarbréf Svandísar
Almannavarnir hækka viðbúnað