Hamas-samtökin hafa að undanförnu þóst vera ungar konur á samfélagsmiðlum, í því skyni að brjótast inn í farsíma hjá tugum ísraelskra hermanna. Samtökin stofnuðu upplognar notendasíður á samfélagsmiðlum og vinguðust þar við ísraelska hermenn og reyndu að fá þá til þess að sækja njósnabúnað í síma sína.
Ísraelsher sagði frá þessu á Twitter í gær, en einnig er fjallað um málið á vef BBC í dag. Samkvæmt umfjöllun BBC náðu Hamas-samtökin ekki að komast yfir neinar viðkvæmar upplýsingar úr símum hermannanna og Ísraelsher segist raunar á Twitter-síðu sinni hafa snúið vörn í sókn, komist að ráðabruggi Hamas og eyðilagt njósnaforritið sem samtökin starfræktu.
Jonathan Conricus hjá Ísraelsher segir við BBC að um sér að ræða þriðju tilraun Hamas-samtakanna til þess að brjótast inn í síma hermanna, en að þessi hafi verið sú fágaðasta hingað til.
Njósnaforritið virkaði þannig að þegar hermaðurinn opnaði hlekkinn frá „konunni“ fengu hakkararnir aðgang að öllum gögnum símans, þar á meðal staðsetningu, myndum og tengiliðum. Einnig gat forritið fjarstýrt símanum og tekið bæði myndir og hljóðupptökur án þess að eigandi símans yrði þess var.
Hamas created fake social media profiles, using photos including this one, in an attempt to hack the phones of IDF soldiers.
— Israel Defense Forces (@IDF) February 16, 2020
What Hamas didn’t know was that Israeli intelligence caught onto their plot, tracked the malware & downed Hamas’ hacking system.#CatfishCaught