Ríkisstjórn Sviss hefur ákveðið að fresta öllum viðburðum í landinu með fleiri en eitt þúsund þátttakendum til 15. mars til að koma í veg fyrir útbreiðslu kórónuveirunnar.

Frétt af mbl.is

Hátt í 600 ný tilfelli í S-Kóreu í dag

„Stórir viðburðir með fleiri en eitt þúsund manns verða bannaðir. Bannið tekur gildi nú þegar og mun gilda að minnsta kosti þangað til 15. mars,“ sagði í yfirlýsingu ríkisstjórnarinnar.

Níu manns hafa greinst með veiruna í landinu.

„Þegar um er að ræða opinbera eða einkaviðburði með færri en eitt þúsund manns verða skipuleggjendur að útbúa áhættumat í samráði við sveitarstjórnir til að ákveða hvort hægt er að halda þá eða ekki,“ sagði einnig í yfirlýsingunni. 

Ríkisstjórnin bætti því við að hún átti sig á því að ákvörðunin muni hafa umtalsverð áhrif á líf almennings í Sviss en bætti við að vonandi verði hún til þess að koma í veg fyrir frekari útbreiðslu veirunnar.

Heilbrigðissráðherrann Alain Berset sagði að svipaðar aðgerðir hefðu reynst árangursríkar í öðrum löndum. Hann sagði að fjöldi smitaðra í landinu kæmi stjórnvöldum ekki á óvart. „Við verðum að vera viðbúin fleiri tilfellum á næstu dögum.“

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt