Barinn til óbóta vegna gruns um smit
Heilbrigðisstarfsfólk hitamælir í Nairobi, höfuðborg Keníu.
AFP
Setja bókamerki
Karlmaður, búsettur í suðausturhluta Keníu, sem grunaður var um að vera smitaður af kórónuveirunni, var laminn til óbóta af hópi ungmenna á leið heim af bar í fyrrakvöld. Hann lést af sárum sínum á sjúkrahúsi.
Atvikið átti sér stað í bænum Msambweni en lögreglan staðfesti við BBC að enginn hefði verið handtekinn vegna málsins.
Hins vegar lægi það ljóst fyrir að ungmennin hefðu gert hróp að manninum og sakað hann um að vera með kórónuveiruna.
Alls hafa sjö tilfelli kórónuveiru verið staðfest í Keníu. Líkt og í ýmsum öðrum löndum hafa reglur varðandi samkomuhald verið hertar.
Með skerta aksturshæfni og undir slævandi áhrifum
Byggingarheimildir verði tímabundnar
Stórbruni í Kaupmannahöfn: Børsen í ljósum logum
„Ef það er einhver einn lærdómur...“
„Hefur smám saman verið að lagast“
„Eins og ef Alþingishúsið brynni hér“
Gleymir seint deginum sem skriðurnar féllu
„Sárt að horfa upp á þetta“