Yfir milljarður haldi sig heima
Setja bókamerki
Yfir einn milljarður jarðarbúa er gert að halda sig heima vegna kórónuveirunnar um þessar mundir. Á sama tíma hafa um 342 þúsund manns smitast, tæplega 15 þúsund látist og tæplega 100 þúsund náð bata.
Alls staðar í heiminum hafa stjórnvöld gripið til aðgerða vegna útbreiðslu COVID-19. Þau ríki þar sem veiran greindist fyrst eru á réttri leið en í Kína eru ný smit afar fá á hverjum degi undanfarna daga. Alls hafa um 81.500 manns smitast þar en 60 þúsund náð bata.
Suður-Kórea greindi frá nýjum tölum fyrir skömmu og síðasta sólarhringinn greindust færri ný smit á einum degi en hefur verið undanfarinn mánuð. Þar eru 64 ný smit og hefur því 8.961 smitast þar af kórónuveirunni. 111 hafa látist af völdum veirunnar í S-Kóreu.
Samkvæmt tölum AFP er rúmlega milljarði íbúa í yfir 50 löndum gert að halda sig heima en lönd eins og Frakkland, Ítalía og Argentína hafa gripið til þess að setja á útgöngubann nema ýtrustu nauðsyn beri til. Á sama tíma hafa lönd eins og Íran og Bretland gefið út tilmæli um að fólk haldi sig heima.
Starfsfólk gæti fengið reikning frá Skattinum
„Tíminn er runninn út fyrir Kristján Loftsson“
Benda á Samgöngustofu sem bendir út í heim
„Menn eru bara búnir að forgangsraða“
„Það er skiljanlegt að þolinmæði þeirra sé lítil“
Aukin tíðni þungunarrofa hjá yngsta aldurshópnum
Mikil skjálftavirkni á landinu áhyggjuefni