Þúsundir nemenda „týnast“ í fjarkennslu
Setja bókamerki
Kennarar víðs vegar í Frakklandi hefur gengið erfiðlega að halda sambandi við mörg þúsund nemendur á meðan fjarkennslu stendur. Skólar hafa verið lokaðir í nokkrar vikur vegna útbreiðslu kórónuveirunnar.
„Við áætlum að um 5-8% nemenda séu „týndir“, byggt á tölum síðustu tveggja vikna,“ segir Jean-Michel Blanquer, menntamálaráðherra Frakklands. Hann hefur beðið skólastjórnendur að hafa samband við fjölskyldur nemenda nokkrum sinnum í viku.
Tölurnar eiga við nemendur á grunn- og framhaldsskólaaldri en 12 milljónir franskra barna stunda nám á þeim skólastigum. Það merkir að um 960.000 börn gætu verið að dragast verulega aftur úr í námi.
Menntayfirvöld hafa sett upp ýmis kennslugögn á netinu eða sent foreldrum kennsluefni í tölvupósti en Blanquer viðurkennir að óneitanlega hafi fjölskyldur misjafnan aðgang að efninu sem getur leitt til ójöfnuðar. Ráðuneytið hefur því í samstarfi við frönsku póstþjónustuna komið upp kerfi þar sem kennsluefni er ekið heim til nemenda.
„Okkur miðar í rétta átt“
„Á réttri leið en nokkuð í land ennþá“
Eyjafjarðarbraut lokuð vegna umferðarslyss
Árshátíð ríkislögreglustjóra haldin í Tékklandi
Tóku upp hanskann fyrir leikskólabörn
Tapa fimm milljónum á dag
Vona að Orkustofnun veiti ekki virkjunarleyfi
Hönnun sem bætir líf manna