Notkun á malaríulyfinu hætt í Frakklandi
Setja bókamerki
Læknum í Frakklandi er ekki lengur heimilt að nota malaríulyfið hydroxychloroquine í meðferðum við COVID-19. Lagasetning þess efnis tekur gildi í landinu í dag eftir að tvær ráðgjafastofnanir bentu á að sjúklingum geti stafað hætta af notkun lyfsins.
Í fyrradag greindi Alþjóðaheilbrigðismálastofnunin (WHO) frá því að prófunum á virkni lyfsins á kórónuveiruna hafi verið hætt, að minnsta kosti tímabundið, vegna gruns um að slíkt sé ekki öruggt.
Prófunum á lyfinu, sem hafa verið í gangi í nokkrum löndum, hefur tímabundið verið aflýst vegna rannsóknar, hverrar niðurstöður voru að meðferð sjúklinga með COVID-19 með lyfinu gæti jafnvel aukið líkur á dauðsfalli af völdum sjúkdómsins.
Mikið hefur verið rætt um mögulega virkni hydroxychloroquine á kórónuveiruna og hefur lyfið víða verið notað sem tilraunameðferð. Sérstaka athygli vakti svo þegar Donald Trump Bandaríkjaforseti sagðist taka lyfið sem forvörn gegn kórónuveirunni.
„Það þarf að vinna mikinn fjölda upp“
Veiting hvalveiðileyfis ekki brot á EES-samningi
Árshátíð ríkislögreglustjóra haldin í Tékklandi
Kostnaður meiri en milljón á fermetra
Tveir í bílnum sem lenti utan vegar
Banna mengandi búnað sem leyfður er á Íslandi