Bandaríkin senda malaríulyf til Brasilíu
Setja bókamerki
Bandarísk stjórnvöld hafa sent tvær milljónir skammta af malaríulyfinu hydroxychloroquine til Brasilíu í baráttunni gegn COVID-19.
Þetta kemur fram í tilkynningu frá Hvíta húsinu. Notkun á lyfinu hefur reynst umdeild og hefur Alþjóðaheilbrigðismálastofnunin (WHO) til að mynda hætt prófunum á virkni lyfsins á kórónuveiruna hafi verið hætt, að minnsta kosti tímabundið, vegna gruns um að slíkt sé ekki öruggt.
Í tilkynningu bandarískra stjórnvalda segir að lyfið verði fyrst og fremst notað til að vernda brasilískt heilbrigðisstarfsfólk sem starfar í framlínunni í baráttunni gegn COVID-19, en að lyfið verði einnig notað í meðferð sjúklinga sem greinst hafa með veiruna. Yfirvöld í Brasilíu hafa mælt með notkun lyfsins, á meðan flest önnur ríki sem hafa nýtt það hafa hætt notkun þess.
Faraldurinn er hvað skæðastur þessa stundina í Brasilíu, Bandaríkjunum og Mexíkó. Alls létust 956 af völdum veirunnar í Brasilíu síðasta sólarhringinn, 698 í Bandaríkjunum og 364 í Mexíkó.
Skar höfuðleðrið af íslenskri konu
Árshátíð ríkislögreglustjóra haldin í Tékklandi
Banna mengandi búnað sem leyfður er á Íslandi
Tveir í bílnum sem lenti utan vegar
Handteknir eftir myndatöku í Vesturbæjarlaug
Gígbarmurinn hækkað frá því í gær
Telur forsendur fyrir vaxtalækkun