Danska lögreglan handtók Peter Madsen í morgun skömmu eftir að hann flúði úr fangelsi. Madsen var dæmdur árið 2017 í lífstíðarfangelsi fyrir morðið á sænsku blaðakonunni Kim Wall.

Í frétt Politiken er vísað í færslu lögreglunnar í Vestegnen í Kaupmannahöfn á Twitter um að hún hafi handtekið fanga á flótta við Nyvej í Albertslund.

Í frétt Ekstra Bladet er birt mynd af Peter Madsen sitjandi við veginn og lögreglumenn liggjandi á jörðinni. Vegurinn er lokaður tímabundið á meðan aðgerðir lögreglunnar standa yfir.

Samkvæmt frétt B.T. á Madsen að hafa hótað því að sprengja sig upp en að hann væri með sprengju á sér. Þannig hafi honum tekist að flýja úr fangelsinu. Sprengjusveit lögreglunnar tekur þátt í aðgerðunum. Lögreglan hefur ekki viljað staðfesta að fanginn sé Madsen en hann afplánar í Herstedvester-fangelsinu sem er aðeins í nokkur hundruð metra fjarlægð frá þeim stað sem hann var handtekinn.

Frétt af mbl.is

Játar að hafa myrt Kim Wall

Tengdar fréttir

Sænska blaðakonan Kim Wall myrt

Peter Madsen hlaut 21 mánaðar dóm

• Danir herða öryggisgæslu í fangelsum
• Ný þáttaröð um kafbátamálið sem skók allan heiminn
• Segir Madsen góða fyrirmynd
• Játar að hafa myrt Kim Wall

» Fleiri tengdar fréttir

• Blogga um frétt