Ríkisstjóri Kaliforníu, Gavin Newson, er nú í sóttkví eftir að í ljós kom að börn hans höfðu átt í samskiptum við einstakling sem reyndist smitaður af kórónuveirunni. Einstaklingurinn sem um ræðir er lögreglumaður.
Ríkisstjórinn greindi frá þessu á Twitter í gær, en þar kemur sömuleiðis fram að enginn úr fjölskyldu hans hafi greinst með veiruna eftir próf. Fjölskyldan muni þrátt fyrir það fara í fjórtán daga sóttkví.
Late Friday evening, @JenSiebelNewsom and I learned that 3 of our children had been exposed to an officer from the California Highway Patrol who had tested positive for COVID-19.
— Gavin Newsom (@GavinNewsom) November 23, 2020
Miklar takmarkanir eru nú í Kaliforníu-ríki þar sem veiran hefur verið í veldisvexti. Nýverið var sett á útgöngubann í ríkinu. Íbúar í 41 af 58 sýslum Kaliforníu mega nú ekki vera á ferli eftir klukkan 22 á kvöldin og þar til klukkan 05 á morgnana.
Á þessu eru þó einhverjar undantekningar, til að mynda mega veitingastaðir bjóða upp á heimsendingu eftir klukkan 22 svo eitthvað sé nefnt.