Biðst afsökunar á stofnunum þar sem níu þúsund létust

Micheal Martin, forsætisráðherra Bretlands.
Micheal Martin, forsætisráðherra Bretlands. AFP

Micheál Martin, forsætisráðherra Írlands, hefur beðist afsökunar fyrir hönd írska ríkisins á meðferð ríkisins á ógiftum mæðrum og börnum þeirra á heimilum reknum af ríkinu og kaþólsku kirkjunni. 

„Ég biðst afsökunar á gífurlegu ranglæti heillar kynslóðar sem lagt var á írskar mæður og börn þeirra sem enduðu á þessum heimilum,“ sagði Martin á þingfundi írska þingsins í dag. 

Niðurstaða rannsóknarnefndar um heimilin var kynnt í gær. Þar kom meðal annars fram að níu þúsund börn létust á 18 stofnunum á árunum 1922 til 1998. Dánartíðni á stofnunum var tvöfalt hærri en annars staðar á Írlandi á þessum tíma. Er það rakið til vanrækslu, vannæringar og sjúkdóma sem geisuðu óáreittir. 

Fjallað var um hvernig trúarlegar stofnanir á Írlandi beittu ógiftar mæður og börn þeirra ofbeldi og þau smánuð. Skýrslan er þrjú þúsund blaðsíður að lengd og fimm ára rannsóknarvinna liggur henni að baki. 

mbl.is
Fleira áhugavert
Fleira áhugavert