Sagður hafa keypt hús handa fjölskyldu Floyds
Setja bókamerki
Fyrrverandi leikmaður í NBA-deildinni í körfubolta segir að Kyrie Irving, bakvörður Brooklyn Nets, hafi keypt hús handa fjölskyldu George Floyds sem var drepinn af lögreglumanni í Minnesota á síðasta ári.
Stephen Jackson greindi frá þessu í hlaðvarpsþætti með öðrum fyrrverandi NBA-leikmanni, Etan Thomas. Hann sagðist hafa þekkt Floyd og að hann hefði reynt að halda áfram að styðja við bakið á fjölskyldu hans bæði tilfinningalega og fjárhagslega eftir að hann lést. Benti hann í leiðinni á fleiri sem hefðu gert slíkt hið sama.
„Kyrie Irving keypti handa þeim hús,“ sagði Jackson. „Umboðsmaður Lil Wayne keypti handa þeim Mercedes-Benz. Barbra Streisand gaf þeim hlutabréf í Disney.“
Lögreglumaðurinn Derek Chauvin hefur verið ákærður fyrir að hafa myrt Floyd, þeldökkan Bandaríkjamann, sem var 46 ára þegar hann lést 25. maí. Chauvin þrýsti hné sínu á háls Floyds í átta mínútur með þeim afleiðingum að Floyd missti andann.
Málið vakti mikla reiði í Bandaríkjunum og óeirðir brutust út víða.
„Þögnin er ærandi“
Benda á Samgöngustofu sem bendir út í heim
Segir óábyrgt að skipta út öllu bankaráðinu
„Það er skiljanlegt að þolinmæði þeirra sé lítil“
Hjón sluppu með skrekkinn
„Tíminn er runninn út fyrir Kristján Loftsson“
Þrjú og hálft ár fyrir skotárás í Úlfarsárdal
Stóraukið fé til samgöngusáttmála