Trump „ögraði“ múgnum
Setja bókamerki
Stuðningsmönnum Donald Trump, fráfarandi forseta Bandaríkjanna, sem réðust á þinghús Bandaríkjanna var „ögrað“ af forsetanum og þeir „mataðir á lygum,“ að sögn McConnell, leiðtoga meirihlutans í öldungadeildinni, nú í dag.
„Þeim var ögrað af forsetanum og öðrum valdamiklum einstaklingum.“
„Þau reyndu að nota ótta og ofbeldi til að stöðva“ staðfestingu þingsins á kosningasigri demókratans Joe Biden í nóvember síðastliðnum, sagði McConnell.
„En við héldum áfram. Við stóðum saman og sögðum að reiður múgur myndi ekki fá neitunarvald yfir lögum og reglu í okkar þjóð, ekki einu sinni í eitt kvöld,“ sagði hann.
Réðust inn í þinghúsið
Þúsundir stuðningsmanna Trump réðust inn í þinghúsið 6. janúar síðastliðinn í kjölfar ræðu frá forsetanum fyrir utan Hvíta húsið þar sem hann endurtók falskar fullyrðingar sínar um að hafa unnið kosningarnar.
Að minnsta kosti fimm manns létust í óeirðunum.
Fulltrúadeild Bandaríkjaþings ákærði Trump síðastliðinn 13. janúar fyrir að „hvetja til uppreisnar.“ Hann stendur nú frammi fyrir hugsanlegum réttarhöldum í öldungadeildinni eftir að hann lætur af embætti á morgun.
Atkvæði 17 repúblikana þarf til að sakfella Trump í öldungaþinginu. McConnell hefur enn ekki útilokað að hann kjósi með sakfellingu.
Búist er við því að demókratinn Chuck Schumer taki við sem leiðtogi meirihluta öldungaþingsins á morgun. McConnell mun þó áfram vera áhrifamikil rödd í repúblikanaflokknum.
Schumer gagnrýndi einnig Trump fyrir að hvetja múginn:
„Óeirðaseggir, uppreisnarmenn, hvítir öfgamenn (e. white supremacists) og innlendir hryðjuverkamenn reyndu að koma í veg fyrir framsal valds,“ sagði hann. „Þeir voru hvattir af engum öðrum en forseta Bandaríkjanna.“
Ný staða uppi og óvissan meiri
Segjast ekki vera á kaldri slóð
Á annað hundrað símtala vegna nikótínvara
Myndskeið: Segjast hafa skotið niður sprengjuflugvél
Hafa „ágætis tíma“ til úrbóta
Unnu að fullum heillindum að kaupum á TM