Rassíur gerðar á heimilum blaðamanna
Setja bókamerki
Félagar í hvítrússnesku blaðamannasamtökunum (BAJ) voru handteknir af þarlendum yfirvöldum í dag, húsleitir gerðar á heimilum þeirra og gögn gerð upptæk.
Einnig voru gerðar rassíur á heimilum mannréttindafrömuða í landinu. Frá þessu greinir Franak Viacorka, æðsti ráðgjafi Svetlönu Tsíkanovskaju, á Twitter-síðu sinni.
Þar segir hann að óeinkennisklæddir lögreglumenn hafi ráðist inn á skrifstofur og heimili félaga í BAJ.
Tsíkanovskaja er af mörgum talin réttmætur leiðtogi Hvíta-Rússlands en hún beið ósigur í forsetakosningum í landinu í fyrra. Gríðarleg mótmælaalda upphófst í kjölfarið þar sem afsagnar forseta landsins, Alexander Lúkasjenkó, var krafist.
Flest Evrópuríki, þar á meðal Ísland, fordæmdu niðurstöður kosningarinnar og viðurkenndu ekki sigur Lúkasjenkós.
Tsíkanovskaja flúði land í kjölfar kosninganna og hefur heimsótt og rætt við leiðtoga fjölmargra Evrópuríkja síðan.
Mest spennandi kosningar í áratugi
Bifreið ekið á skrifstofu Útlendingastofnunar
„Þetta náttúrulega endar með ósköpum“
Tæknideild komin norður vegna andlátsins
Fiskikóngurinn: „Mér fannst sárt að heyra það“
Fara ekki lengur fram á einangrun yfir Davíð
Átta morðmál á aðeins tólf mánuðum
„Mér finnst Halla Hrund svona Vigdísarleg“