Hnignun mannréttinda áhyggjuefni

Yf­ir­maður mann­rétt­inda­mála hjá Sam­einuðu þjóðunum, Michelle Bachelet, kallar eftir samstilltum aðgerðum til endurbóta eftir verstu hnignun mannréttinda sem hún hefur séð. Í því sambandi nefndi Bachelet meðal annars aðstæður í Kína, Rússlandi og Eþíópíu.

Bachelet ávarpaði þing mannréttindaráðs Sameinuðu þjóðanna í dag og sagði öfgafátækt, ójöfnuð og óréttlæti hafa aukist.

Hún nefndi sértstaklega stríðsástandið í Tigray-héraði í norðurhluta Eþíópíu þar sem 350 þúsund manns lifa í hungursneyð og mörg hundruð óbreyttra borgara hafa verið myrtir. Bachelet sagði að fjöldi stríðsglæpa hefði átt sér stað þar.

Frétt af mbl.is

Óttast að stríðsglæpir hafi verið framdir

Þá nefndi Bachelet nýju öryggislögin í Hong Kong sem fara gegn lýðræði sjálf­stjórn­ar­svæðis­ins. Hún nefndi að 107 einstaklingar hefðu verið handteknir á grundvelli laganna og 57 ákærðir.

Frétt af mbl.is

Stefnir í að útgáfu Apple Daily verði hætt

Meðal mannréttindamála í hinum ýmsu löndum mun þingið taka fyrir nýja skýrslu um kerfisbundna kynþáttafordóma. 

• Blogga um frétt