Notre Dame dómkirkjan í París er loksins tilbúin til að gangast undir endurbyggingu meira en tveimur árum eftir að eldur kviknaði í kirkjunni. Það gerðist 15. apríl 2019.
Að sögn yfirvalda í Frakklandi er stefnt að því að hægt verði að opna kirkjuna aftur árið 2024, fimm árum eftir brunann, þegar Ólympíuleikarnir verða haldnir í París. Sóknarprestur í Notre Dame hefur þó sagt að útlit sé fyrir að 15-20 ár líði þar til viðgerðum á kirkjunni ljúki.
Á síðustu tveimur árum hefur áherslan verið að tryggja að öruggt sé að hefja endurbyggingu á kirkjunni, sem fól meðal annars í sér að fjarlægja fjörutíu þúsund vinnupalla sem voru við kirkjuna og skemmdust í eldinum.
Nú þegar hefur verið hafist handa við að endurreisa hið fræga stórorgel Notre Dame þar sem 8.000 pípur eru teknar í sundur og sendar til orgelsmiða um allt Frakkland.