Vladimír Pútín Rússlandsforseti segir hundruð vígamanna, sem hliðhollir eru hryðjuverkasamtökunum Ríki íslams, safnast nú saman í Norður-Afganistan með það í huga að ferðast á milli þeirra Mið-Asíulanda sem áður tilheyrðu Sovétríkjunum.

Þeir muni fara um í gervi flóttamanna.

„Samkvæmt okkar gögnum, þá telur fjöldi félaga í Ríki íslams í Norður-Afganistan um tvö þúsund manns,“ sagði Pútín á fjarfundi með leiðtogum annarra fyrrum Sovétríkja í morgun.

Fyrr í vikunni varaði hann við ógn sem hann segir stafa af reyndum bardagamönnum í Írak og Sýrlandi, með tengsl við Ríki íslams, sem fari yfir landamærin til Afganistans. Rússneska utanríkisráðuneytið hefur sagst búast við því að talíbanar, sem nýlega rændu völdum í landinu, sjái um þá ógn.

Tengdar fréttir

Talíbanar í Afganistan

„Hún á sér ekkert líf“

• Þjóðþekktur hermaður tapaði meiðyrðamáli
• Skipuleggjandi Kabúl sprengingarinnar sagður látinn
• Trump kennt um valdatöku talíbana í Afganistan
• Tárvotur hermaður lýsir hörmungum við brotthvarfið

» Fleiri tengdar fréttir

• Blogga um frétt