Segir að sjálfsvörn sé „ekki ólögleg“
Setja bókamerki
Kyle Rittenhouse, bandaríski táningurinn sem var sýknaður eftir að hafa skotið tvo menn til bana á meðan á mótmælum stóð og uppþotum gegn lögreglunni, segir að sjálfsvörn sé „ekki ólögleg“. Mótmæli brutust út víða í Bandaríkjunum eftir að hann var sýknaður.
Rittenhouse, sem er 18 ára, var á föstudaginn sýknaður af öllum ákæruliðum. Verið var að mótmæla kynþáttafordómum í borginni Kenosha í ríkinu Wisconsin í fyrra þegar hann lét skotin ríða af.
Í sjónvarpsviðtali við Fox News sagðist Rittenhouse finna fyrir miklum létti eftir sýknudóminn og að „erfitt ferðalag“ sé á enda runnið.
„Kviðdómurinn komst að réttri niðurstöðu. Sjálfsvörn er ekki ólögleg,“ sagði Rittenhouse en viðtalið verður sýnt í heild sinni í kvöld. Heimildarmynd um málið fer síðan í loftið í desember.
„Ég er ánægður með að allt fór vel...Við komumst í gegnum erfiðasta hjallann,“ bætti hann við.
Joe Biden Bandaríkjaforseti hafði áður lýst yfir vonbrigðum sínum með niðurstöðu kviðdómsins og hvatti fólk til að sýna stillingu.
Ekki byggt í takt við áform sveitarfélaga
Innviðir þandir og álagið „gríðarlegt“
Hyggjast leyfa fólki að skoða gosið
Færa slökkviliðið til nútímans
Sárt að horfa upp á illa meðferð fjármuna
Aðeins ein leið fær í Grindavíkurmálum
Ísraelar hefna árásarinnar