Hitamet hafa verið slegin víða á Spáni í mámánuði en hiti hefur sumstaðar farið yfir 40 gráður. 

Spænska veðurstofan varaði við hitabylgjum í tíu héruðum í dag og sagði að um væri að ræða „áköfustu“ hitabylgjur sem hafa sést í nokkur ár. 

BBC greinir frá því að hitamet hafi verið sett í borginni Jaén á Suður-Spáni á föstudag en hiti mældist 40 gráður. 

Þessi óeðlilega mikli hiti, fyrir þennan árstíma, orsakast af hlýjum vindum sem berst frá Norður-Afríku. Þeir valda því að hiti mælist um 15 gráðum meiri en á sama tíma í fyrra. 

Mesta hitann má finna í héruðunum Andalúsíu, Extremadúra, Kastilíu-La Mancha, Aragon og í höfuðborginni Madríd. 

Heilbrigðisráðuneyti Spánar hvetur fólk til að drekka mikið af vatni og halda sig frá sólinni eins og hægt er.

Tengdar fréttir

Loftslagsvá

Gretu Thunberg gert að mæta fyrir dóm

• Áhrif hlýnunar mest í Asíu
• Frítt í strætó fyrir viðskiptavini Krónunnar
• „Þeir hafa ekki alveg verið að standa við sitt“
• Stórt svæði orðið eldi að bráð

» Fleiri tengdar fréttir

• Blogga um frétt