Lögreglan í Hollandi hefur hafið rannsókn á vopnuðu ráni sem átti sér stað á þriðjudag á TEFAF-hátíðinni í Maastricht og leitar að fjórum aðilum sem grunaðir eru um að hafa tekið þátt í ráninu.
TEFAF-hátíðin er sýning sem fagnar evrópskri myndlist og tugir þúsundir manna sækja hana hvert ár.
Lögreglan í Limburg-héraðinu í Hollandi greinir frá því að ránið hafi átt sér stað um hábjartan dag, en í myndbandi sem er í dreifingu á samfélagsmiðlum má sjá mennina fjóra reyna að brjótast inn í sýningarkassa sem geymir skartgripi.
BREAKING poging roof #TEFAF #Maastricht VIDEO Rovers proberen vitrines met daarin diamanten kapot te slaan. pic.twitter.com/3Fnqt6Nlds
— Henrik-Willem H⭕️fs (@HWHofs) June 28, 2022
Myndbandið sýnir að þrír ræningjanna voru vopnaðir og að einn þeirra sló endurtekið á glerið með sleggju meðan sá fjórði reyndi að flýja með þá gripi sem hópurinn hafði náð. Einnig sýnir myndbandið að sjónarvottur á svæðinu reyndi að fæla mennina burt og ógnaði þeim með blómavasa úr gleri.