Ferlið vegna inngöngu Svía og Finna í Atlantshafsbandalagið, NATO, hófst formlega í morgun. Jens Stoltenberg, framkvæmdastjóri NATO, greindi frá þessu.

Frétt af mbl.is

Söguleg stund en óviðeigandi hjá Tyrkjum

„Þetta er góður dagur fyrir Finnland og Svíþjóð og góður dagur fyrir NATO,“ sagði Stoltenberg á blaðamannafundi.

„Með 32 þjóðir við borðið verðum við enn sterkari og fólkið okkar verður öruggara á tímum þegar við stöndum frammi fyrir mesta öryggisvanda síðustu áratuga,“ bætti hann við.

Stoltenberg tjáði sig fyrir fund þar sem reiknað er með að sendiherrar 30 aðildarríkja NATO undirriti skjal í tengslum við inngönguna. Þar með hefst margra mánaða ferli hjá aðildarríkjunum um að veita Finnum og Svíum inngöngu í bandalagið.

„Við erum ótrúlega þakklát fyrir þann mikla stuðning sem við höfum fengið við aðildarumsókn okkar frá bandalagsríkjunum,“ sagði Ann Linde, utanríkisráðherra Svíþjóðar.

Tengdar fréttir

Úkraína

Hernaðaraðstoð samþykkt – Vopnasendingar í vikunni

• Aðstoðarvarnarmálaráðherra Rússa handtekinn
• Pólverjar reiðubúnir að geyma kjarnorkuvopn
• Skiptar skoðanir á aðstoð Bandaríkjamanna
• 61 milljarða dollara aðstoð til Úkraínu samþykkt

» Fleiri tengdar fréttir

• Blogga um frétt