„Þetta er mjög tæpt“
Setja bókamerki
Spennan er áðþreifanleg á kosningavöku sænskra jafnaðarmanna (Socialdemokraterna). Þar heyrast aðeins raddir fullar af áhyggjum yfir því sem kann að koma upp úr kjörkössunum.
Flokkurinn kann að bæta við sig tveimur prósentustigum frá síðustu kosningum og komast yfir 30% fylgi, en alls er óljóst hvort grundvöllur verður fyrir myndun ríkisstjórnar með Magdalena Andersson sem áframhaldandi forsætisráðherra.
Kjörstaðir loka klukkan átta að staðartíma og hafa ungliðar jafnaðarmanna hringt út stanslaust í allan dag
Óhugnanlega jafnt
„Þetta er mjög tæpt en ég vona að hægt verði að mynda ríkisstjórn undir forystu Magdalenu Andersson,“ segir Elsa Alm. Hún kveðst bíða spennt eftir niðurstöðum kosninganna.
Jonas Eriksson tekur undir með Elsu og segir mjög tæpt milli fylkinga. „Staðan er svipuð og fyrir fjórum árum. Þá fengum við minna fylgi en í könnunum.“ Bæði eru þau sammála um að þeim þyki óhugnanlegt hve ófyrirsjáanlegar niðurstöðurnar eru að þessu sinni.
Óörugg
„Ég finn fyrir miklum óróleika. Það er svo mikið undir í þessum kosningum, bæði á sviði mannréttinda og lýðræðis,“ segir Jolina Gustafsson. „Ég held að við og margir aðrir höfum ekki alveg áttað okkur á hve mikið sé í húfi.“
„Ég er mjög óöruggur,“ segir Jonas Larsson. Hann telur kosningarnar verða afgerandi fyrir framtíð lýðræðisins í Svíþjóð.
Afstaða gesta á kosningavöku jafnaðarmanna endurspegla þá afstöðu sem þeir hafa tíundað fyrir og í kosningabaráttunni um samstarf hægriflokkannna við Svíþjóðardemókratanna.
„Það þarf að vinna mikinn fjölda upp“
Beint frá Kína
„Þetta náttúrulega endar með ósköpum“
Eyjafjarðarbraut lokuð vegna umferðarslyss
Hernaðaraðstoð samþykkt – Vopnasendingar í vikunni
Moses Hightower og Prins Póló gefa út eyjalag
Veiting hvalveiðileyfis ekki brot á EES-samningi