Að minnsta kosti 27 látnir eftir umferðarslys

Sjúkrabifreið í Indlandi. Mynd úr safni.
Sjúkrabifreið í Indlandi. Mynd úr safni. AFP

Dráttarvél með vagn fullan af pílagrímum hvolfdi á leið til hofs í Indlandi í dag og endaði í tjörn.

Að minnsta kosti 27 manns eru látnir eftir slysið að sögn fjölmiðla þar í landi, en það átti sér stað í borginni Kanpur í héraðinu Uttar Pradesh. Þá eru 22 til viðbótar slasaðir.

Verið var að aka hindúískum pílagrímum aftur frá hofinu Chandrika Devi. Forsætisráðherrann Narendra Modi hefur vottað aðstandendum samúð sína.

mbl.is
Fleira áhugavert
Fleira áhugavert