Ein blóðugasta orrusta stríðsins
Stefán Gunnar Sveinsson
Setja bókamerki
Hanna Maljar, aðstoðarvarnarmálaráðherra Úkraínu, sagði í gær að hersveitir Úkraínumanna væru enn að berjast í bænum Soledar í Donetsk-héraði, þrátt fyrir yfirlýsingar Wagner-málaliðahópsins í fyrradag um að hann hefði náð fullu valdi á bænum.
Sagði Maljar að hörðustu átökin hingað til í stríðinu ættu sér nú stað í bænum, og að þrátt fyrir að staðan væri erfið veittu Úkraínumenn harða mótspyrnu.
Bæði Rússar og Úkraínumenn viðurkenna að mannfall hafi verið mikið í orrustunni um Soledar og Bakhmút. Sagði Maljar að Rússar sæktu fram yfir lík fallinna samherja sinna í Soledar og að þeir hefðu sent hermenn út í opinn dauðann í þúsundatali.
Dmitrí Peskov, talsmaður Pútíns Rússlandsforseta, sagði í fyrradag að miklar fórnir hefðu verið færðar í orrustunum um Soledar og Bakhmút.
Lesa má meira um málið í Morgunblaðinu í dag.
Búið að bólusetja börn alla helgina
Myndskeið: „Fólk var komið ískyggilega nálægt“
„Staðan er grafalvarleg“
Lögreglan rannsakar andlát konu í fjölbýlishúsi
Áverkar bentu til manndráps
„Við erum ekki að refsa fólki fyrir að vinna“
Réttlátara kerfi: Flestir fá 30 þúsund eða meira