Hefur áhyggjur af stuðningnum við Úkraínu
Setja bókamerki
Tengdar fréttir
Úkraína
Joe Biden Bandaríkjaforseti viðurkennir að hann hafi áhyggjur af því að umrót í bandarískum stjórnmálum gætu rofið stuðning Bandaríkjamanna við Úkraínu en segir jafnframt að hann flytji bráðum „meiriháttar ræðu“ til þess að sannfæra efasemdamenn í landinu um að styðja við stjórnvöld í Kænugarði í baráttunni gegn Rússlandi.
Á dögunum voru fjárlög til bráðabirgða samþykkt á bandaríska þinginu eftir langa umræðu sem leiddi næstum því til lokanna ríkisstofnana.
Engar breytingar er að finna í bráðabirgðafrumvarpinu, sem er í gildi til 17. nóvember, nema að þar er ekki að finna stuðning Bandaríkjamanna við Úkraínumenn líkt og forsetinn hafði krafist.
Mikið umrót varð í Repúblikanaflokknum þegar frumvarpið var samþykkt og hafði það þær afleiðingar að Kevin McCarthy, forseta fulltrúardeildar Bandaríkjaþings, var vikið úr forsetastól eftir að samflokksmenn hans lögðu fram vantrauststillögu, en þeir höfðu óskað eftir frekari niðurskurði í fjárlögum.
Meirihluti þingsins hlynntur stuðningi við Úkraínu
„Þetta veldur mér áhyggjum,“ sagði Biden í dag, spurður að því hvort að brotthvarf McCarthys og viðeigandi umrót sem það hefur ollið, gæti haft áhrif á fjárframlög Bandaríkjamanna til Úkraínu. „En ég veit að það er meirihluti í fulltrúadeild og öldungadeild, úr báðum flokkum, sem hefur sagst hlynntir stuðningi við Úkraínu.“
Um er að ræða viðhorfsmun hjá Biden en í gær sagðist hann hafa átt símtal með leiðtogum bandamannaríkja þar sem hann sagðist vera „fullviss“ um að fjárstuðningur við Úkraínu yrði samþykktur.
„Ég mun von bráðar tilkynna meiriháttar ræðu sem ég mun flytja um þetta málefni, og hvers vegna það er mikilvægt fyrir Bandaríkin og bandamenn okkar að standa við okkar skuldbindingar,“ sagði forsetinn en neitaði að segja hvenær hann ætlaði sér að flytja ræðuna.
Fer stuðningur úr Evrópu dvínandi?
Bandaríkin eru langstærsti stuðningsaðili Úkraínumanna og hefur þingið samþykkt aðstoð upp á 113 milljarða bandaríkjadala samtals, eða um 15.600 milljarða króna.
Þau eru þó ekki eina landið sem hefur dregið úr stuðningi sínum við Úkraínu. Pólsk stjórnvöld tilkynntu á dögunum að þau myndu ekki lengur senda vopn til Úkraínu og einbeita sér frekar að eigin vörnum en Pólland hefur einnig verið meðal dyggustu stuðningsmanna Úkraínu og hefur hingað til verið öflugur vopnabirgir fyrir úkraínska herinn
Um helgina bar flokkurinn Smer-SD sigur úr býtum í þingkosningum í Slóvakíu. Flokkurinn er leiddur áfram af fyrrverandi forsætisráðherra Slóvakíu, Robert Fico, en flokkurinn er einkar gagnrýninn á Evrópusambandið og Atlantshafsbandalagið (NATO) og vill einnig stöðva alla aðstoð Slóvakíu við Úkraínu í baráttunni gegn Rússlandi.
Tengdar fréttir
Úkraína
Rússar sagðir útvega N-Kóreu milljón olíutunnur
Hótar Bretum og Bandaríkjamönnum
Hraun kemur úr þremur gígum: Virknin stöðug
Yfir 300 stæði fóru undir hraun
Hópur fólks reyndi að komast að eldgosinu
Dómur þyngdur um þrjú ár
Litlar líkur á að hraunið nái til mannvirkja
Nýtt fangelsi í landi Stóra-Hrauns tilbúið 2028