Rússneski herinn hefur skráð 385 þúsund nýliða það sem af er þessu ári. Þetta segja þarlend stjórnvöld.
Rússnesk stjórnvöld staðhæfa að þau viti ekki hversu marga hermenn þau hafa misst í innrás sinni í Úkraínu sem hófst fyrir um 20 mánuðum. Þó er talið er að tugir þúsunda hafi fallið.
Herinn í landinu hóf átak, eða herferð, nýlega til þess að fá fleiri Rússa á víglínuna. Bjóða stjórnvöld áhugasömum gríðarlega há laun. Sú herferð hefur skilað fjölda nýrra hermanna, sem er álíka mikill og íbúafjöldi Íslands.
„Hlutfall nýliðaskráninga í herinn hefur hækkað umtalsvert. Fleiri en 1.600 manns skrifa undir samning við hernaðaryfirvöld á hverjum degi,“ sagði Dmítrí Medvedev, fyrrverandi forseti Rússlands og formaður þjóðaröryggisráðsins í landinu, í myndbandi á samfélagsmiðlum.
Í fyrra náði rússneski herinn að kalla fleiri en 300 þúsund varaliðsmenn til starfa í miðri manneklu. Varnarmálaráðuneyti Úkraínu sagði fyrr í vikunni að rúmlega 400 þúsund rússneskir hermenn væru að berjast í landinu.