Miklar óeirðir brutust út við opnun landbúnaðarsýningar í París, höfuðborg Frakklands, í dag.
Reiðir bændur brutu sér leið í gegnum öryggisgæslu sýningarinnar og þurfti að kalla til lögreglu til að halda aftur af þeim.
Voru bændurnir reiðir yfir því að Emmanuel Macron, forseti Frakklands, væri viðstaddur sýninguna.
Bændur hafa undanfarnar vikur mótmælt víða í Frakklandi, og víðar í Evrópu. Segja þeir greinina vera á afar viðkvæmum stað, tekjur fari lækkandi og regluverk verði þyngra.