Helmingur herbúnaðar berst of seint
Setja bókamerki
Helmingur hernaðaraðstoðar frá Vesturlöndum til Úkraínu berst ekki í tæka tíð að sögn Rustem Umerov, varnarmálaráðherra Úkraínu.
Úkraínumenn standa frammi fyrir skorti á herbúnaði en þeir hafa mánuðum saman bent á að seinagangur vestrænna ríkja á að veita aðstoð hafi verulegar afleiðingar í stríðinu gegn Rússum.
„Eins og stendur felur skuldbinding ekki í sér afhendingu,“ sagði varnarmálaráðherrann við athöfn sem haldin var vegna þess að tvö ár eru liðin frá innrás Rússa í Úkraínu.
„Fimmtíu prósent skuldbindinga eru ekki afhentar á réttum tíma,“ bætti hann við og sagði þetta setja Úkraínu í verri stöðu.
Missa fólk og landsvæði
Sagði hann einnig að afhendingardráttur þýddi það að Úkraína myndi missa fólk og landsvæði, sérstaklega í ljósi yfirburða Rússa í lofti.
„Við gerum allt sem mögulegt er og ómögulegt en án tímanlegrar afhendingar verðum við fyrir skaða.“
Úkraína hefur undanfarnar vikur staðið frammi fyrir skorti á skotfærum en tafir hafa orðið á aðstoð frá Bandaríkjunum sökum pólitískra deilna á Bandaríkjaþingi.
Vill færa út mörkin
Einn játað sök í stóra fíkniefnamálinu
Ekki meitlað í stein að það sé komin kreppa
Ólína: „Þeir eru oft aulalegir í málflutningi“
„Vandamálið er ekki fólkið hérna inni“
Fluttur á Hólmheiði af öryggisástæðum
„Í næsta mánuði fékk ég uppsagnarbréf“