Franska lögreglan drap í morgun vopnaðan mann sem reyndi að kveikja í bænahúsi gyðinga í borginni Rouen í norðurhluta landsins.
Innanríkisráðherra Frakklands, Gerald Darmanin, greindi frá þessu.
„Lögreglan í Rouen stöðvaði snemma í morgun vopnaðan einstakling sem ætlaði greinilega að kveikja í bænahúsi borgarinnar,” skrifaði Darmanin á X.
À Rouen, les policiers nationaux ont neutralisé tôt ce matin un individu armé souhaitant manifestement mettre le feu à la synagogue de la ville. Je les félicite pour leur réactivité et leur courage.
— Gérald DARMANIN (@GDarmanin) May 17, 2024
Heimildarmaður sagði AFP fréttastofunni að maðurinn hefði verið „vopnaður hnífi og járnstöng, hann nálgaðist lögregluna, sem hleypti af skotum. Einstaklingurinn lést”.
Stærsta samfélag gyðinga í heiminum er í Frakklandi, að undanskildum Ísrael og Bandaríkjunum. Að auki er stærsta samfélag múslima í Evrópu í landinu.