Petr Pavel, forseti Tékklands, hefur verið útskrifaður af sjúkrahúsi eftir að hafa legið þar inni í nótt vegna mótorhjólaslyss.
Skrifstofa forsetans greindi frá þessu á samfélagsmiðlinum X.
Pavel, sem er 62 ára og hefur verið forseti í rúmt ár, hlaut minniháttar meiðsli eftir að hann lenti í óhappi á æfingabraut á mótorhjóli sínu í gær.
Slysið mun ekki hafa áhrif á embættisskyldur hans í næstu viku.