Kona á fertugsaldri réðst á fimm manns í rútu og stakk þau með hníf í vesturhluta Þýskalands í dag, að sögn lögreglunnar í Þýskalandi. Árásin kemur viku eftir aðra banvæna hnífaárás sem skók landið.
Konan var handtekin eftir atvikið og samkvæmt yfirlýsingu lögreglu voru engar vísbendingar um að þetta væri hryðjuverk. Þrjú fórnarlömb eru í lífshættu, einn alvarlega særður og sá síðasti er lítið særður.
Fyrir viku síðan var önnur hnífastunguárás í Solingen sem skildi eftir sig þrjú dauðsföll og átta særða. Atvikið og þjóðerni árásarmannsins hefur vakið miklar umræður um innflytjenda- og hælisstefnu Þýskalands, en árásarmaðurinn var 26 ára gamall Sýrlendingur.
Þessar árásir hafa leitt til þess að ríkisstjórn Olaf Scholz hefur kynnt nýjar takmarkanir á vopnaburði á almenningsstöðum, auk þess að skerða bætur fyrir suma ólöglega innflytjendur.