Þýski jafnaðarmannaflokkurinn (SPD) er samkvæmt kosningaúrslitum stærsti flokkurinn á fylkisþinginu í Brandenborg.
Brandenborgarar gengu til kosninga í dag og SPD heldur naumlega forystu í sambandslandinu, þar sem hann hefur hefur örlítið forskot á hægri popúlistaflokkinn Alternative für Deutschland (AFD).
Flokkarnir höfðu mælst afar jafnir fram að kosningum en samkvæmt talningu féllu 30,9% atkvæða í skaut jafnaðarmanna á meðan AfD fékk rétt rúm 29% atkvæða.
SPD hefur verið við völd frá sameiningu Þýskalands árið 1990. Jafnaðarmannaflokkurinn er flokkur Olafs Scholz kanslara og Brandenborg er hans heimavöllur.
Kosningarnar verða því að teljast mikill árangur fyrir AfD.
„Við erum sigurvegarar kvöldsins,“ lýsti Alice Weidel, annar leiðtogi AfP, yfir í samtali við dagblaðið Frankfurter allgemeine.
AfD hlaut rúmlega 30% atkvæða í kosningum í Saxlandi í byrjun mánaðar og í kosningum í Þýringalandi.