Búið er að rýma þorp í suðurhluta Grikklands vegna skógarelda sem brutust út fyrr í dag.
Þorpið er nærri sjávarbænum Xylokastro í Pelops-héraðinu í Grikklandi.
Slökkviliðið notar 15 slökkviliðsbíla og þrjár þyrlur í baráttunni við eldinn. Að sögn talskonu slökkviliðsins er baráttan við eldana erfið.
Á síðasta sólarhringnum hafa 27 skógareldar brotist út í Grikklandi að sögn talskonu slökkviliðsins.
Í síðasta mánuði geisuðu skógareldar í Grikklandi sem höfðu þau áhrif að þúsundir þurftu að yfirgefa heimili sín.