Á fundi, sem Geir H. Haarde, utanríkisráðherra, átti í dag með Nicholas Burns, aðstoðarutanríkisráðherra Bandaríkjanna, voru meintir ólöglegir fangaflutningar á vegum bandarískra stjórnvalda um íslenska lofthelgi og flugvelli voru til umræðu.

Vísaði Burns til þess að yfirlýsingar væri að vænta í dag frá Condoleezza Rice, utanríkisráðherra Bandaríkjanna, um fangaflutningana. Í tilkynningu frá utanríkisráðuneytinu segir, að yfirlýsingin liggi nú fyrir og telji utanríkisráðherra að hún svari spurningum íslenskra stjórnvalda.

Geir tók málið upp á fundi með Burns, sem var haldinn í tengslum við ráðherrafund ÖSE í Ljubliana í Slóveníu í dag. Fundurinn með Burns var haldinn að ósk Bandaríkjamanna til að ræða stöðuna í varnarviðræðum landanna. Aðallega var rætt um hvernig mætti koma samningaviðræðum af stað og verður áfram unnið að því.

Tengdar fréttir

Fangaflutningar

Evrópsk ríki sek um pyntingar

• Evrópuráðið rannsakar ferðir CIA-vélar
• CIA-flugvél millilenti í Keflavík
• Færeyingar fá lista yfir flugvélar CIA
• Engin CIA leynifangelsi í Þýskalandi segir innanríkisráðherrann

» Fleiri tengdar fréttir

• Blogga um frétt