Innlent | mbl | 2.10.2014 | 22:02 | Uppfært 4.10.2014 13:26

Hvar er bardaginn sýndur?

Það má búast við hörkubardaga þegar Gunnar mætir Rick Story á laugardaginn.

Gunnar Nelson heldur áfram að klífa metorðastigann í UFC og berst í aðalbardaga á Fight Night bardagakvöldi UFC bardagasambandsins í Stokkhólmi í kvöld, laugardaginn 4. október.

Útsending frá bardögum kvöldsins hefst klukkan 19:00, en Gunnar stígur síðastur inn í búrið og erfitt að spá fyrir um með vissu hvenær það verður, en útsendingu frá bardögunum lýkur klukkan 21:15.

Andstæðingur Gunnars er hinn þrítugi Bandaríkjamaður Rick Story og mætast þeir í veltivigtarbardaga.

Story sem hefur viðurnefnið "The Horror" hefur 25 bardaga á bakinu og hefur hann farið með sigur af hólmi 17 sinnum. Hann er í 15. sæti veltivigtarinnar á styrkleika UFC, þremur sætum fyrir neðan Gunnar.

Bardaginn gegn Story verður 15. bardagi Gunnars sem er enn ósigraður með 13 sigra og eitt jafntefli. Þá virðast veðbankar hafa trú á að Gunnar muni leggja Story af velli.

Fjölmargar krár og sportbarir munu sýna bardagann í beinni útsendingu á laugardaginn og ættu þeir sem hafa áhuga á að fylgjast með Gunnari glíma við Rick "The Horror" Story ekki að eiga í vandræðum með að finna staði sem sýna bardagann.

Hægt að sjá bardagann á eftirtöldum stöðum (í stafrófsröð). Listinn er ekki tæmandi:

Blásteinn, Árbæ

Cafe Catalinu í Kópavogi

Enska barnum - English Pub

Hamborgarasmiðjan Grensásvegi

Hendrix við Gullinbrú

Hótel Selfoss

Hvíti Riddarinn, Mosfellsbæ

Írski barinn (Irish Pub) í Hafnarfirði

Íslenski rokkbarinn, Hafnarfirði

Kollubar, Hvanneyri

Kondó Bar, Dalvík