Frestur til að skila inn meðmælendalistum og öðrum nauðsynlegum gögnum vegna forsetakosninganna 25. júní nk. rann út á miðnætti í gær. Fundað verður með frambjóðendum og/eða umboðsmönnum þeirra í innanríkisráðuneytinu klukkan tvö í dag þar sem forsetaframbjóðendur verða kynntir. Þetta staðfestir Stefanía Óskarsdóttir, sérfræðingur í innanríkisráðuneytinu, í samtali við mbl.is.
Hún segist ekki geta gefið frekari upplýsingar um hverjir frambjóðendurnir séu heldur þurfi það að koma í ljós eftir fundinn. Ríkisútvarpið segist hafa heimildir fyrir því að níu frambjóðendur hafi skilað inn gögnum til ráðuneytisins áður en fresturinn rann út. Listinn er eftirfarandi:
Andri Snær Magnason
Ástþór Magnússon
Davíð Oddsson
Elísabet Jökulsdóttir
Guðni Th. Jóhannesson
Halla Tómasdóttir
Hildur Þórðardóttir
Sturla Jónsson
Guðrún Margrét Pálsdóttir