Ármann Guðmundsson, fornleifafræðingur, er að vonum ánægður með að fundist hafi um síðustu helgi sverð sem talið er vera frá 10. öld.

„Þetta er alveg magnaður fundur. Það er ekki á hverjum degi sem svona gripur kemur inn á Þjóðminjasafnið og bara á söfn yfirleitt,“ segir Ármann.

„Það hafa komið tvö sverð í Þjóðminjasafnið á síðustu tuttugu árum, þannig að það er ekkert skrítið að þetta fangi athygli fólks og starfsmanna líka.“

Frétt mbl.is: Sverðið kom inn á heimili bóndans

Frétt mbl.is: Beið eftir að verða tekið upp 

Forverðir munu sjá um að meðhöndla gripinn. Eftir það kemur í ljós hvað gert verður við hann.

Að sögn Ármanns liggja mörg tækifæri fyrir safnið varðandi kynningu og rannsóknir á sverðinu. Einn möguleiki er að búa til þrívíddarlíkan af því og setja það á netið.

„Þá getur fólk skoðað það í bak og fyrir og snúið því fram og til baka. Þannig kemst fólk í tengsl við sverðið inni í stofu. En það hefur ekki verið tekin formleg ákvörðum um hvað verður gert,“ segir hann.

Tengdar fréttir

Fornleifafundur við Ytri-Ása

Kraftalegur maður á fertugsaldri

• Hundruð skoðuðu sverðið fræga
• Sverðið verður sýnt í einn dag
• Átti Hróar Tungugoði sverðið?
• Vísar kumlið á óþekktan skála?

» Fleiri tengdar fréttir

• Blogga um frétt