„Það er allt til rannsóknar í þessu máli. Ef það koma fram einhverjar nýjar vendingar þá eru þær til rannsóknar,“ segir Grímur Grímsson, yf­ir­lög­regluþjón, spurður hvort lögreglan rannsakar hvort önnur stúlka hafi mögulega verið í bílunum við Hafnarfjarðarhöfn morguninn þegar Birna hvarf eins og Stundin greindi frá í dag. Líkt og fyrr vildi Grímur ekki staðfesta þetta né tjá sig frekar um einstaka framburði mannanna í rannsókninni.

Ekki hefur verið tekin ákvörðun um hvenær mennirnir tveir, sem eru í haldi vegna gruns um að hafa veitt Birnu Brjánsdóttur bana, verða yfirheyrðir aftur.  

Ekkert kerfi í rauða bílnum virðist geta varpað ljósi á hvar hann var daginn sem Birna hvarf frá klukkan 7 til 11.30. Í rannsókninni hefur ekki verið lögð áhersla á kanna frekar ferðir bílsins fyrir kl. 5.25. „Við teljum okkur hafa verið búin að gera það,“ segir Grímur. 

Grím­ur seg­ir að ekki sé enn kom­in niðurstaða í líf­sýn­a­rann­sókn­ir á mun­um sem hald var lagt á í Pol­ar Nanoq, meðal annars föt­um tví­menn­ing­anna. Styttri tíma hafi tekið að fá niður­stöður varðandi líf­sýni úr rauða bíln­um þar sem sú rann­sókn hafi fengið al­gjör­an for­gang.

Grímur vildi ekki tjá sig um mögulegt vopn þar sem lögreglan hefur ekki greint frá því hvernig lát Birnu bar að. 

Tengdar fréttir

Birna Brjánsdóttir

Fjalla um mál Birnu Brjánsdóttur

• Thomas Møller Olsen fluttur til Danmerkur
• Tekur ekki fyrir mál Thomasar Møller
• Aðferðir lögreglu gagnrýndar
• Föt og púsl ekki hluti af sakarkostnaði

» Fleiri tengdar fréttir

• Blogga um frétt