Óskar eftir vitnum vegna rannsóknar á eldsvoða

Lögreglan á höfuðborgarsvæðinu óskar eftir vitnum að mannaferðum við bæinn Stardal við Þingvallaveg í Mosfellsdal vegna rannsóknar hennar á bruna íbúðarhúss og útihúsa, en tilkynnt var um eldinn kl. 9.59 sl. laugardagsmorgun.

Frétt af mbl.is

Húsið brunnið til kaldra kola

Fram kemur í tilkynningu frá lögreglunni á höfuðborgarsvæðinu, að óskað sé eftir upplýsingum um mannaferðir á þessu svæði frá aðfaranótt föstudags, 5. janúar, til sunnudagsmorguns, 7. janúar.

Upplýsingum má koma á framfæri í tölvupósti á netfangið as@lrh.is í einkaskilaboðum á fésbókarsíðu Lögreglunnar á höfuðborgarsvæðinu eða í síma 444 1000.

• Blogga um frétt