Sauðfjárbændur ætla á næstunni að fá meistarakokk, matgæðinga og fleiri til liðs við sig til þess að þróa nýjar vörur úr lambaframpörtum. Farið var í svipað verkefni í fyrra með læri og úr því varð til vörulína sem nú fæst í verslunum.
Með því að skera og matbúa stykkin öðruvísi en tíðkast hefur og skapa með því hugsanlega nýjar hefðir er hugsunin að nýta afurðirnar betur og auka verðmætasköpun.
„Lambakjötið á mikla möguleika og sá kraftur sem við settum í markaðsstarfið fyrir tveimur árum hefur miklu skilað. Við höldum því ótrauð áfram,“ segir Svavar Halldórsson, framkvæmdastjóri og hugmyndasmiður markaðsstofunnar Icelandic Lamb.
Sjá viðtal við Svavar Halldórsson í heild á baksíðu Morgunblaðsins í dag.