Veðrið hefur náð hámarki á suðvesturhorninu og uppúr klukkan sjö mun fara að draga verulega úr veðurofsanum. Enn er hinsvegar að hvessa á Norður- og Austurlandi og má víða þar búast við stormi í kvöld. Þetta segir Haraldur Eiríksson, veðurfræðingur hjá Veðurstofu Íslands.

Appelsínugul viðvörun er í gildi á suðvesturhorni landsins og á Suður- og Suðausturlandi.

Haraldur segir spána ekki mikið hafa breyst og tekur fram að mikil úrkoma fylgi hvassviðrinu á austanverðu landinu í kvöld og allan morgundaginn, alveg þangað til annað kvöld. Varað hefur verið við vexti í ám og vötnum, sérstaklega í Lóni og Álftafirði og segir Haraldur þurfa að fylgjast vel með því.

Hann segir spána hafa gengið eftir í stórum dráttum en búast má við annarri lægð strax aftur á laugardagskvöld. „Það er enn ekki vitað hve kröftug hún verður, en það gætu orðið leiðindi úr því seint á laugardagskvöld.“ Lægðarinnar verður þá fyrst vart suðvestanlands en hún mun svo ganga yfir allt landið.

Frétt af mbl.is

Aðgerðarstjórn virkjuð vegna óveðurs

Tengdar fréttir

Óveður 11. janúar 2018

Hellisheiði og Þrengsli ófær

• Hvassviðrið færir sig austur yfir landið
• Hætta á grjóthruni á Austfjörðum
• Björgunarsveitir sinntu 23 verkefnum
• Aðgerðarstjórn virkjuð vegna óveðurs

» Fleiri tengdar fréttir

• Blogga um frétt