Búið er að finna Pál Þorsteinsson sem lögreglan á höfuðborgarsvæðinu lýsti eftir nú í morgun. Var Páll heill á húfi og þakkar lögregla kærlega fyrir veitta aðstoð.
Björgunarsveitir á höfuðborgarsvæðinu tóku þátt í leitinni að Páli í morgun og leituðu rúmlega 140 björgunarsveitarmenn hans þegar mest var, en leitarmenn notuðust meðal annars við sporhund, leitarhunda, vélhjól, reiðhjól og dróna við leitaraðgerðirnar.
Búið var að óska eftir mannskap frá sveitum í Árnessýslu, Suðurnesjum og Vesturlandi þegar leitin var afturkölluð.